మార్గము చూపుము ఇంటికి
Margamu Cupumu Intiki
మార్గము చూపుము ఇంటికి – నా తండ్రి ఇంటికి మాధుర్య ప్రేమా ప్రపంచమో – చూపించు కంటికి || 2 || పాప మమతల చేత – పారిపోయిన నాకు ప్రాప్తించె క్షామము పశ్చాత్తాప్పమునొంది – తండ్రి క్షమ కోరుచు పంపుము క్షేమము || 2 || ప్రభు నీదు సిలువ – ముఖము చెల్లని నాకు పుట్టించె ధైర్యము || 2 || ||మార్గము|| ధనమే సర్వంబనుచు- సుఖమే స్వర్గంబనుచు తండ్రిని వీడితి ధరణి భోగములెల్ల – బ్రతుకు ధ్వంసము జేయ దేహీ నిను చేరితి || 2 || దేహీ అని నీ వైపు – చేతులెత్తిన నాకు దారిని జూపుము || 2 || ||మార్గము|| దూర దేశములోన – బాగుందుననుకొనుచు తప్పితి మార్గము తరలిపోయిరి నేను – నమ్మిన హితులెల్ల తరిమే దారిద్య్రము || 2 || దాక్షిణ్య మూర్తి నీ – దయ నాపై కురిపించి ధన్యుని చేయుము || 2 || ||మార్గము|| అమ్ముకొంటిని నేను – అధముడొకనికి నాడు ఆకలి బాధలో అన్యాయమయిపోయే – పందులు సహ వెలివేయ అలవడెను వేదన || 2 || అడుగంటె అవినీతి – మేల్కొనియె మానవత ఆశ్రయము గూర్చుము || 2 || ||మార్గము|| కొడుకునే కాదనుచు – గృహమే చెరసాలనుచు కోపించి వెళ్ళితి కూలివానిగనైన – నీ యింట పని చేసి కనికరమే కోరుదు || 2 || కాదనకు నా తండ్రి – దిక్కెవ్వరును లేరు క్షమియించి బ్రోవుము || 2 || ||మార్గము|| నా తండ్రి నను జూచి – పరుగిడిచూ ఏతెంచి నాపైబడి ఏడ్చెను నవ జీవమును గూర్చి – ఇంటికి తోడ్కొని వెళ్లి నన్నూ దీవించెను || 2 || నా జీవిత కథయంత – యేసు ప్రేమకు ధరలో సాక్ష్యమై యుండును || 2 || ||మార్గము||
margamu chupumu intiki - na tandri intiki madhurya prema prapanchamo - chupinchu kantiki || 2 || papa mamatala cheta - paripoyina naku praptinche ksamamu paschattappamunondi - tandri ksama koruchu pampumu ksemamu || 2 || prabhu nidu siluva - mukhamu chellani naku puttinche dhairyamu || 2 || ||margamu|| dhaname sarvambanuchu- sukhame svargambanuchu tandrini viditi dharani bhogamulella - bratuku dhvansamu jeya dehi ninu cheriti || 2 || dehi ani ni vaipu - chetulettina naku darini jupumu || 2 || ||margamu|| dura desamulona - bagundunanukonuchu tappiti margamu taralipoyiri nenu - nam'mina hitulella tarime daridyramu || 2 || daksinya murti ni - daya napai kuripinchi dhan'yuni cheyumu || 2 || ||margamu|| am'mukontini nenu - adhamudokaniki nadu akali badhalo an'yayamayipoye - pandulu saha veliveya alavadenu vedana || 2 || adugante aviniti - melkoniye manavata asrayamu gurchumu || 2 || ||margamu|| kodukune kadanuchu - grhame cherasalanuchu kopinchi velliti kulivaniganaina - ni yinta pani chesi kanikarame korudu || 2 || kadanaku na tandri - dikkevvarunu leru ksamiyinchi brovumu || 2 || ||margamu|| na tandri nanu juchi - parugidichu etenchi napaibadi edchenu nava jivamunu gurchi - intiki todkoni velli nannu divinchenu || 2 || na jivita kathayanta - yesu premaku dharalo saksyamai yundunu || 2 || ||margamu||